Yaad Ki Rehguzar by Faiz Ahmed Faiz....

by **Shaheen** on Wed Nov 24, 2010 3:32 am

یاد کی راہگزر

یاد کی راہگزر جس پہ اسی صورت سے
مُدّتیں بیت گئیں ہیں تمہیں چلتے چلتے
ختم ہو جائے جو دو چار قدم اور چلو
موڑ پڑتا ہے جہاں دشتِ فراموشی کا
جس سے آگے نہ کوئی میں ہوں نہ کوئی تم ہو
سانس تھامے ہے نگاہیں کہ نہ جانے کس دم
تم پلٹ آؤ، گزر جاؤ یا مُڑ کر دیکھو
گرچہ واقف ہیں نگاہیں کہ یہ سب دھوکہ ہے
گر کہیں تم سے ہم آغوش ہوئی پھر سے نظر
پھوٹ نکلے گی وہاں اور کوئی راہگزر
پھر اُسی طرح جہاں ہو گا مقابل پیہم
سایہ زلف کا اور جُنبشِ بازو کا سفر
دوسری بات بھی جھوٹی ہے کہ دل جانتا ہے
یاں کوئی موڑ، کوئی دشت کوئی گھات نہیں
جس کے پردے میں میرا ماہِ رواں ڈوب سکے
تم سے چلتی رہہے یہ راہ یونہی اچھا ہے
تم نے مڑ کر بھی نہ دیکھا تو کوئی بات نہیں